Қазақстанның шетелге мұнай тасымалдайтын құбыры істен шықты. Мұның арты неге әкеп соғуы мүмкін?

Слушать Қазақстанның шетелге мұнай тасымалдайтын құбыры істен шықты. Мұның арты неге әкеп соғуы мүмкін?

Скачать Қазақстанның шетелге мұнай тасымалдайтын құбыры істен шықты. Мұның арты неге әкеп соғуы мүмкін?

UEPwQrvKnmw

Видео Қазақстанның шетелге мұнай тасымалдайтын құбыры істен шықты. Мұның арты неге әкеп соғуы мүмкін?

Бұған дейін Каспий құбыры арқылы Еуропаға 54 миллион тонна өнім экспорттап келген Қазақстан «Каспий құбыр желісі консорциумындағы» ақау ұзаққа созылса онда балама жол арқылы жылына әрі кетсе 16 миллион тонна мұнай жөнелте алады. Ал кейбір мұнай сарапшылары еліміздегі өндіріс үш-төрт айға тоқтайтыны айдан анық деп отыр. Сондықтан, шұғыл комиссия құрылуы керек екенін айтады. Алайда үш күн бұрын долы дауылдың кесірінен істен шыққан портқа Қазақстандық делегация бүгін ғана кеткен.
Қазақстанның экспортқа жөнелтетін 68 миллион тонна мұнайының 54 миллион тоннасы Каспий құбырымен Ресей арқылы өтеді. Енді «Каспий құбыр желісі консорциумындағы» жөндеу жұмыстары ұзаққа созылса, еліміз айына кем дегенде 1,3 миллион, жылына 16 миллион тонна мұнайды балама жолмен жіберуге мәжбүр. Яғни, мұнай өндіру көлемі айына 3 миллион тоннаға дейін азаюы мүмкін дейді Энергетика министрі Болат Ақшолақов. Бірақ, министрлік уақытша жұмыс істемей тұрған теңіз терминалындағы үш жабдықтың біреуі онсыз да резервте тұрған, сәйкесінше бүгін ол іске қосылды дейді. Үш аптаның ішінде ақауы шыққан құбырдың тағы біреуі іске қосылса, мұнай өндіру көлемі тоқтамайды деп отыр.
БОЛАТ АҚШОЛАҚОВ, ҚР энергетика министрі:
– Альтернативтік жолдар. Бірінші бұл Атыраудан Самараға дейін баратын мұнай құбыры. Одан кейні бұл Ресейдің системасына қосылып, Қара теңіз бен Балтика теңізіне жететін құбыр. Сол құбыр арқылы бізде қазіргі уақытта қосымша 6,5-7 миллионға дейін жіберуге болады мұнайды. Екінші жолы Ақтау теңіз порты тасмалдау. Бірақ 12 миллион емес, 5 миллион тоннаға дейін жіберуге болады. Қара Теңізден өтіп, Баку,Әзірбайжан жеріне жетіп, Қара теңізге жетіп, кемемен тасымалдауға болды.
Сарапшы Рашид Жақсылықов, министрлік балама жол іздесе де, дәл қазір оңтайлысын таппайды, одан да ақау болған жерге барып, мәселені сонда шешу керек дейді. Қажет болса, жөндеу жұмысына кететін қаржылық шығынды да түгел төлеуі тиіс деп отыр.
РАШИД ЖАҚСЫЛЫҚОВ,Қазақстан мұнай сервистік компаниялары одағының төралқа төрағасы:
– Балама жолды іздеген күннің өзінде де өндірістің үш-төрт айға тоқтайтыны айдан анық. Өйткені біз өндіріп жатқан ірі өндірушілер мына мұнайды өндіріп жатқан олардың 3-4 өндірген өнімінің қорын жинайтын қойма түгілі, бір күнді өнімді жинайтын қоймасы жоқ. Оны қайда апарып құямыз? Біз егер ұңғымаларымызды тұншықтыратын болсақ, оларды іске қосу үшін 30 жылдың ішінде қанша қаражат жұмсадық, 25 миллионнан 90 миллионға жету үшін соншама қаражат іздеуіміз керек болады тағы да.
Министрлік, әлі жөнделіп жатқан екі құбырға қажетті қосалқы бөлшектер Каспий құбыр желісі консорциумының қоймасында бар деп отыр. Новороссийск портындағы долы дауыл бірінші рет болып жатқан жоқ, сондықтан Ресей тарапының бұл жағдайды қасақана жасауы мүмкін емес деп отыр.
Әйгерім Ердәулет

Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook — https://www.facebook.com/informburo31/
Instagram — https://instagram.com/informburo31
Vkontakte — https://vk.com/informburo31
TikTok — www.tiktok.com/@informburo31
WhatsApp Информбюро +7 777 331 31 31

#мұнай #экспорт #Каспий #КТК #Қазақстан